Причини за високо ниво на триглицериди

Дебелината, слабо контролираниот дијабетес, активната тироида (хипотироидизам), заболувањата на бубрезите и зголеменото количество на калории што повеќе ги внесувате отколку што ги согорувате, доведуваат до покачување на нивото на триглицериди. Одредени лекарства исто така можат да ги зголемат триглицеридите. Во нив спаѓаат: тамоксифен, стероиди, бета-блокатори, некои диуретици, естроген и таблети против бременост/анти-беби пилули. Претераното консумирање алкохол исто така ги зголемува триглицеридите.

Како да се намали вкупниот холестерол и да се зголеми HDL?

Високото ниво на холестерол се намалува со лекови. Иако повеќето тинејџери немаат потреба да пијат лекови за намалување на холестерол, сепак е важно да го проверуваат. Ако сакате да дознаете дали сте во групата со покачен холестерол, консултирајте се со лекар, кој со земање една капка крв може тоа и да го провери.

Иако гените никој не може да ги промени, постојат нешта што можете да ги направите сега и така да го намалите ризикот од срцеви заболувања подоцна. Се препорачува консумирање на што помалку масна храна и ограничување на холестеролот (да се проверуваат етикетите на производите, на кои е напишано количеството масти што го содржат). Американското кардиолошко здружение препорачува дневно внесување на количество на холестерол помало од 300мг, при што вкупното внесување на маснотии мора да биде < 30%, а на заситени масти < 10% од вкупното количество внесени калории во текот на денот. Исто така, одржувајте здрава тежина и бидете во движење. Редовното вежбање - како возење велосипед, пешачење, пливање - го јакне срцето, го намалува холестеролот и го намалува вишокот килограми. Пушачите кои ќе ги остават цигарите го намалуваат ризикот од срцеви заболувања.

Неколку корисни совети:

Консумирајте храна што нема многу холестерол: овошје, зеленчук, цели зрна жито (леб, житарки), мешункасти плодови (грав) и риба.

• Консумирајте храна со што помалку заситени масти и маснотии. Заменете ја маснотијата со незаситени масти - на пример, гответе на маслиново масло наместо на путер/маргарин.
• Доколку јадете месо, трудете се да користите суво месо, како пилешко без кожа. Пред готвењето, отстранете го видливото сало од месото, и исцедете го вишокот маст од тавата по печењето.
• Наместо пржење на масло, обидете се со обарување и варење на пареа, печење на ражен и во рерна.
• Наместо обично, користете немасно или млеко со малку млечна маст, коешто е исто така хранливо, но не е масно. Истото важи и за јогуртот и за сирењето, односно кашкавалот. Заменете го крем-сирењето и павлаката со немасно млеко или јогурт.
• Наместо јајца, користете само белки или замена за јајце, којашто е без холестерол.
• Наместо чоколада, користете рогач.
• Редовната физичка активност треба да прејде во навика.
• Човечкото тело со векови се прилагодувало на живот во којшто ситоста била предизвик и барала интензивна физичка активност. Денес во многу земји ситоста не претставува проблем, а работата главно се врши во седечка позиција.
• Физичката активност не само што бара енергија, туку и согорува калории, коишто обично ги внесуваме повеќе отколку што треба; ја зголемува и нашата издржливост и физичка способност, што пак го зголемува HDL холестеролот.
• Смалете ги сите фактори на ризик.
• Пушењето е битен фактор на ризик од кардиоваскуларни заболувања и канцер. Пушењето го удвојува ризикот од инфаркт и мозочен удар. Пушењето ги покачува слободните радикали и со тоа ја потпомага оксидацијата на LDL холестеролот, овозможувајќи му така да влезе во ѕидовите на крвните садови. Пушењето ги стеснува крвните садови и го зголемува крвниот притисок, што претставува уште еден фактор на ризик. Пушењето исто така го намалува нивото на HDL холестеролот. Затоа одвикнувањето од пушење претставува најважна промена во начинот на живот со цел намалување на ризикот од кардиоваскуларни заболувања.

Дебелината често предизвикува зголемување на нивото на холестерол и триглицериди. Зголемување на салото, особено околу струкот, ја зголемува веројатноста за пукање на крвните садови. И најмала редукција на телесната тежина веднаш се одразува на нивоата на холестерол и триглицериди во крвта. Редукцијата на телесната тежина треба да се спроведе на одржлив начин. Многу диети бараат драстични промени, и се одржливи само некое време. Телото бргу се привикнува на смаленото снабдување со енергија и функционира многу поекономично. Со враќањето на старите навики, изгубените килограми многу бргу се враќаат, т.н. јо-јо ефект. Многу покорисно е да се применат поблаги промени во исхраната, коишто може да се одржуваат до крајот на животот. Диетите може да бидат опасни за здравјето, зашто организмот останува без неопходните витамини и минерали. Консултациите со лекар или нутриционист се задолжителни кога се разгледуваат опции за губење на телесна тежина. Тие даваат неопходна професионална помош за изнаоѓање здрав начин на слабеење.